Í námslotu 3, að loknum hinum tveimur, er markmiðið að tengja það sem þau hafa lært um og fræðst við vettvang. Gert er ráð fyrir því að náms- og starfsráðgjafi skipuleggi vettvangsferðir inn í inn í fyrirtæki og stofnanir ásamt skóla. Einnig er hægt að fá heimsókn frá starfsstéttum inn í skólann.
 

Hér er gott að fá hugmyndir frá nemendum sjálfum þar sem þau geta haft sérstakan áhuga á einhverju ákveðnu. Náms- og starfsráðgjafinn tekur síðan saman tillögurnar og skiptir nemendunum í 4-5 manna hópa. Áætla má að hver hópur fái um 3-4 staði til að heimsækja. Hver hópur þarf síðan að undirbúa viðtalsverkefni með því að setja málefnalegar spurningar niður á blað (sjá verkefnablað 6 hér að neðan) sem þau leggja fyrir þann sem tekur á móti þeim á starfsstaðnum.
​

Kynningarverkefni má síðan vinna upp úr heimsóknunum þar sem hver hópur segir frá sínum heimsóknum og hvaða svör þau fengu. Þannig kynna þau hvert fyrir öðru fjölbreytt störf og fyrirtæki.
 

Að loknum starfsheimsóknum skipuleggur náms- og starfsráðgjafinn skólaheimsóknir og er áherslan á að heimsækja ólíka skóla, fjölbrautarskóla, menntaskóla og iðnskóla sem dæmi.